نازلی نصر کو زندگی میں کس بات پر پچھتاوا ہے؟

شوبز انڈسٹری کی سینئر اداکارہ نازلی نصر نے زندگی کا پچھتاوا بیان کردیا۔

اداکارہ نازلی نصر نے حال ہی میں نجی ٹی وی کے پروگرام میں شرکت کی اور اس دوران مختلف موضوعات پر اظہار خیال کیا۔

میزبان نے سوال کیا کہ زندگی میں کس بات پر پچھتاوا ہے؟

جواب میں نازلی نصر نے کہا کہ کم عمری میں شادی کرنا اچھا فیصلہ نہیں تھا اس لیے اس فیصلے پر افسوس ہے، اب سوچتی ہوں کہ غلط وقت پر شادی نہیں کرتی۔

انہوں نے کہا کہ 28 سے 29 سال کی عمر میں شادی کرنی چاہیے۔

یہ پڑھیں: شوہر سے نہیں بن رہی تو زبردستی وقت نہ گزاریں، نازلی نصر

اس سے قبل انٹرویو میں اداکارہ نے کہا تھا کہ شادی ہوئی تو شوبز چھوڑا، میری شادی نہیں چل پائی اور میں نے 16 سال گزار دیے، شادی کے چند ماہ بعد ہی سوچ رہی تھی کہ اب اس رشتے کا کیا ہوگا جسے گزرتے ہوئے 16 سال بیت گئے، میں سوچتی تھی کہ اس سے کیسے باہر نکلوں۔

نازلی نصر نے کہا کہ میں آج کل کی بچیوں سے کہنا چاہتی ہوں کہ جو میں اپنی بچی کو بھی کہتی ہوں کہ اگر آپ کی شوہر سے نہیں بن رہی ہو تو زبردستی اپنا وقت نہ گزاریں، آپ کی زندگی ختم ہوجاتی ہے۔

from ARYNews.tv | Urdu – Har Lamha Bakhabar https://ift.tt/KC9byUf
via IFTTT