کاروباری اوقات کار میں تبدیلی کا نوٹیفکیشن جاری

لاہور کی ضلعی انتظامیہ نے کاروباری اوقات کار میں تبدیلی کردی، اس حوالے سے ڈپٹی کمشنر کی جانب سے نوٹیفکیشن جاری کردیا گیا ہے۔

ڈی سی لاہور کی جانب سے جاری حکم نامے کے مطابق رات10 بجے کی بجائے 11 بجے تک کاروباری سرگرمیاں جاری رکھنے کی اجازت دے دی گئی ہے، تمام چھوٹی اور بڑی مارکیٹیں رات 11 بجے بند ہوں گی۔

نوٹیفکیشن میں کہا گیا ہے کہ شاپنگ مال، سویٹس شاپ، بیکریاں بھی پورا ہفتہ رات 11 بجے بند ہوں گی جبکہ ریسٹورنٹ، ہوٹلز، کافی شاپ اور کیفے بھی رات 11 بجے تک کھولنے کی اجازت ہے۔

اس کے علاوہ میڈیکل اسٹور، فارمیسی، ٹائر پنکچر شاپس، پیٹرول پمپس پر وقت کی کوئی پابندی نہیں ہوگی جبکہ سی این جی اسٹیشنز، تندور، دودھ دہی کی دکانیں پورا ہفتے24گھنٹے کھلی رکھنے کی اجازت دے دی گئی ہے۔

from ARYNews.tv | Urdu – Har Lamha Bakhabar https://ift.tt/vZalDf5
via IFTTT