راکھی ساونت کا سابقہ شوہر پر غیراخلاقی ویڈیوز بنانے کا سنگین الزام

راکھی ساونت نے اپنے سابقہ شوہر پر نیا الزام عائد کرتے ہوئے کہا ہے کہ عادل درانی نے میری نازیبا ویڈیوز لاکھوں روپے کے عوض فروخت کیں۔

بھارتی متنازع اداکارہ راکھی ساونت پھر سے خبروں میں ہیں، اس بار انھوں نے عادل پر نہایت سنگین الزام عائد کیا ہے کہ سابقہ شوہر نے خلوت میں ان کی ویڈیوز بنائیں جو بعد میں انھوں نے پچاس پچاس لاکھ میں بیچ دیں۔

راکھی کا میڈیا سے گفتگو میں کہنا تھا کہ شادی کے ایک ماہ بعد ہی عادل نے مار پیٹ شروع کردی تھی، ہنی مون پر گئے تو سابق شوہر نے نازیبا ویڈیوز بنائیں۔

بالی وڈ اداکارہ نے بتایا کہ جب وہ لوگ دبئی میں تھے تو عادل نے دوسری لڑکیوں کے ساتھ ساتھ لڑکوں کے ساتھ بھی جنسی تعلقات قائم کیے۔

عادل درانی نے میری اسی چیز کا فائدہ اٹھایا کہ میں جہاں جاتی ہوں وہاں اسکینڈل بن جاتے ہیں، عادل کی جانب سے مجھے ذہنی طور پر ٹارچر کرنے کی وجہ سے میرا حمل ضائع ہوا، اس نے مجھے دھمکی دی تھی کہ اگر تم نے کچھ بولا تو میں میڈیا میں تمہیں بدنام کردوں گا۔

متنازع اداکارہ نے یہ بھی بتایا کہ سابقہ شوہر نے انھیں کبھی شاپنگ نہیں کرائی، وہ مجھے بالی وڈ میں آنے کے لیے استعمال کرنا چاہتا تھا۔

from ARYNews.tv | Urdu – Har Lamha Bakhabar https://ift.tt/CR6tSsD
via IFTTT