ایران کا جدید خرمشہر-4 بیلسٹک میزائل کا کامیاب تجربہ

تہران: ایران کی جانب سے اپنے جدید ترین بیلسٹک میزائلوں میں سے ایک خرمشہر فور بیلسٹک میزائل کا کامیاب تجربہ کرلیا گیا ہے۔

غیر ملکی ذرائع ابلاغ کے مطابق خرمشہر 4 بیلسٹک میزائل 2 ہزار کلومیٹر کی رینج تک مار کرسکتا ہے اور 15 سو کلوگرام وار ہیڈ لے جانے کی صلاحیت رکھتا ہے۔

رپورٹس کے مطابق امریکا، ایران سے مذاکرات میں ان کے بیلسٹک میزائلوں پر بھی بات چیت کرنے پر مصر ہے جبکہ ایران بات چیت کو صرف جوہری مسائل تک مرکوز رکھنے کی اہمیت پر زور دیتا ہے۔

ایران کے تباہ کن میزائلوں پر ایک نظر

واضح رہے کہ ترجمان وائٹ ہاؤس نے کہا ہے کہ امریکی صدر ٹرمپ عمان میں امریکا، ایران مذاکرات پر نظر رکھے ہوئے ہیں۔ مذاکرات کا مقصد یہ جانچنا ہے کہ ایران سے ڈیل کی جاسکتی ہے یا نہیں۔

from ARYNews.tv | Urdu – Har Lamha Bakhabar https://ift.tt/Dx8YosE
via IFTTT