ترکیہ کے انٹیلی جنس چیف کی حماس کے وفد سے خفیہ ملاقات
ترکیہ کی خفیہ ایجنسی کے سربراہ نے انقرہ میں حماس کے عہدیداروں سے ملاقات کی ہے۔
سرکاری نشریاتی ادارے ٹی آر ٹی کی رپورٹ کے مطابق ترکی کے اعلیٰ افسر نے دارالحکومت انقرہ میں حماس کے ایک وفد سے ملاقات کی اور غزہ میں جنگ بندی کے لیے ہونے والے مذاکرات پر تبادلہ خیال کیا۔
ترک سیکیورٹی ذرائع نے نام ظاہر نہ کرنے کے حوالے سے بتایا کہ قومی انٹیلی جنس ایجنسی کے سربراہ ابراہیم قالن ے حماس کے عہدیداروں کے ساتھ بات چیت کی۔
نیوز رپورٹ میں وفد کے ارکان کی شناخت نہیں کی گئی۔
TRT نے کہا کہ ترکی کی انٹیلی جنس ایجنسی حماس، اسرائیل، قطر اور امریکا سمیت جنگ کے تمام فریقین سے رابطے میں ہے اور غزہ میں جنگ بندی کے لیے گہری سفارت کاری کر رہی ہے۔
فلسطینی مزاحمتی گروپ حماس کا کہنا ہے کہ غزہ میں جنگ بندی کیلئے ہونے والے مذاکرات کے نتیجے نئی شرائط کے بغیر فوری جنگ بندی کیلئے رضامند ہیں۔
from ARYNews.tv | Urdu – Har Lamha Bakhabar https://ift.tt/mdrtQWB
via IFTTT
Comments
Post a Comment