عیدالاضحیٰ کا تیسرا روز، اللہ کی راہ میں جانوروں کی قربانی کا سلسلہ جاری

ملک بھر میں عیدالاضحیٰ مذہبی جوش وجذبے کے ساتھ منائی جا رہی ہے اور آج تیسرے روز بھی مسلمان اللہ کی راہ میں جانوروں کی قربانی پیش کر رہے ہیں۔

اے آر وائی نیوز کے مطابق ملک بھر میں عیدالاضحیٰ مذہبی جوش و خروش سے منائی جا رہی ہے۔ آج عید کا تیسرا دن ہے اور اہل اسلام سنت ابراہیمی کی پیروی کرتے ہوئے آج بھی اللہ کی راہ میں جانوروں کی قربانی پیش کر رہے ہیں۔

لاہور، اسلام آباد، کراچی، پشاور، کوئٹہ، آزاد کشمیر، گلگت بلتستان سمیت شہر، شہر، قصبوں اور دیہات میں اونٹ نحر جب کہ گائے، بیل، بکرے اور دنبے ذبح کیے جا رہے ہیں۔ پہلے اور دوسرے روز کی نسبت آج قصابوں کے نخرے کم ہیں۔

جو افراد قربانی کرکے فارغ کرکے فارغ ہوچکے ہیں وہ اپنے گھر دعوت اور گوشت کی تقسیم سے فارغ ہوکر آج دعوتیں اڑانے اپنے رشتے داوں اور دوست احباب کے گھر جائیں گے۔

دوسری جانب قربانی کے بعد کہیں آلائشیں بر وقت اٹھائی جا رہی ہیں تو کہیں رہائشی علاقوں اور سڑکوں پر آلائشیں پڑے رہنے کے باعث تعفن پیدا ہونے سے لوگوں کی مشکلات بھی بڑھ رہی ہیں۔

گورنر سندھ نے زخمی اونٹنی کو ’’سندھ کی رانی‘‘ کا نام دے دیا

عید کے پہلے اور دوسرے روز سنت ابراہیمی کی ادائیگی سے فراغت کے بعد عوام سیاحتی مقامات کا بھی رخ کررہے ہیں، مری، گلیات اور شمالی علاقوں کی جانب لوگ دوست احباب کے ساتھ تفریح کے لیے رواں دواں ہیں۔

from ARYNews.tv | Urdu – Har Lamha Bakhabar https://ift.tt/vU9BGty
via IFTTT