یوگا : توانائی حاصل کرنے کا بہترین ذریعہ

یوگا ایک قدیم ورزش ہے جو جسمانی اور ذہنی صحت کو بہتر بنانے کے لیے بے حد مفید ہے، کئی ممالک صحت مند رہنے کے لیے یوگا کو فروغ دے رہے ہیں۔

یوگا سنسکرت زبان کا لفظ ہے جس کا مطلب متحد ہونا ہے، یہ جسم اور شعور کے اتحاد کی علامت ہے، یوگا پائیدار طرز زندگی کو فروغ دیتا اور مجموعی طور پر معاشرتی بہبود ممکن بناتا ہے۔

یہ ورزش پٹھوں کو مضبوط بنانے اور جسم کو لیول میں رکھنے میں مددگار ثابت ہوتی ہے، جسم میں خون کو پمپ کرنے اور اہم غذائی اجزاء کی بافتوں میں فراہمی کے لیے دل کی مجموعی صحت ضروری ہے۔

اس حوالے سے اے آر وائی نیوز کے پروگرام باخبر سویرا میں یوگا ایکسپرٹ یوگی نعیم نے ناظرین کو یوگا کی افادیت سے آگاہ کیا۔

انہوں نے بتایا کہ عام طور ہماری زندگی یکسانیت کا شکار ہے اس لیے ہم زندگی کے تمام پہلوؤں کو انجوائے نہیں کرپا رہے کیونکہ ہم اکثر کاموں کو اس طرح نہیں کرپاتے جس طرح کرنا چاہیے۔

یوگی نعیم کا کہنا تھا کہ باقاعدگی سے یوگا کرنا انسان کو طویل عمر تک جوان، متحرک اور صحت مند رکھتا ہے، گہری سانسوں کی یہ مشق دماغ میں موجود اسٹریس ہارمون کو کم کرکے موڈ کو خوشگوار بناتی ہے اور ذہن کو پرسکون رکھتی ہے اور اس سے ذہنی دباؤ سے چھٹکارہ بھی ممکن ہے۔

انہوں نے کہا کہ ہم لمحہ موجود سے فائدہ اٹھانے کے بجائے اس کو محفوظ کرنے کی کوشش میں رہتے ہیں اور اس کی وجہ سے ہم ان مناظر سے لطف اندوز نہیں ہوپاتے۔ آج کا انسان سب کچھ ہوتے ہوئے بھی ناخوش ہے کیونکہ ہم بات میں ہر کام میں موزانہ کرنے کی کوشش کرتے ہیں۔

یوگا ایکسپرٹ نے بتایا کہ انسان کھائے پیے تو زندہ رہ سکتا ہے لیکن سانس لیے بغیر نہیں، ہم نے کبھی لمبی اور گہری سانس لینے کی کوشش نہیں کی زیادہ تر لوگ سینے کے اوپر سانس لیتے ہیں جس کا اثر دل کی دھڑکن پر پڑتا ہے جب بھی لمبا اور گہرا سانس لیں تو اس سے سینہ نہیں پھولنا چاہیے۔

ان کا مزید کہنا تھا کہ اگر آپ کی سانسیں پھیپھڑوں کی تہہ تک پہنچنا شروع ہوجائیں تو بہت سارے طبی مسائل حل ہوجاتے ہیں کیونکہ ایسا کرنے سے خون کو بھی آکسیجن ملتی ہے اور وہ صاف ہوجاتا ہے۔

from ARYNews.tv | Urdu – Har Lamha Bakhabar https://ift.tt/20kjDdf
via IFTTT