مصنوعی ذہانت کا شاہکار، دنیا کی پہلی ’مس آرٹیفشل انٹیلی جنس‘
مصنوعی ذہانت (اے آئی) کی مدد سے تیار کی گئی دنیا کی پہلی ’مس آرٹیفشل انٹیلی جنس‘ کا ٹائٹل مراکش کی کنزہ لیلیٰ نے جیت لیا۔
غیرملکی خبر رساں ادارے کی رپورٹ کے مطابق مذکورہ مراکشی لڑکی کو "کنزہ لیلی” کا نام دیا گیا تھا، کنزہ نے مقابلے میں شریک مصنوعی ذہانت سے تیار کی گئی دنیا بھر کی 1500 دیگر امیدواروں کو شکست دی۔
View this post on Instagram
مقابلہ جیتنے والی کنزہ لیلیٰ کے تخلیق کار کو13 ہزار امریکی ڈالر کی انعام رقم دی گئی، فیصلہ کرنے والی جیوری کے ارکان کا کہنا ہے کہ انہیں کنزہ کی پُرکشش شخصیت اور مصنوعی ذہانت سے تیاری میں استعمال کی گئی جدید ٹکنالوجی بے حد پسند آئی۔
View this post on Instagram
مصنوعی ذہانت کی ملکہ حسن کا تاج سر پر سجانے کے بعد کنزہ لیلیٰ کے اپنے سوشل میڈیا اکاؤنٹ پر ایک پوسٹ کی گئی کہ میں مِس آرٹیفشل انٹیلی جنس کا ٹائٹل جیتنے کے بعد اپنی اس شاندار خوشی میں آپ لوگوں کو شریک کر رہی ہوں۔
پوسٹ میں لکھا گیا کہ میں ہر اس فرد کا شکریہ ادا کرتی ہوں جو اس منفرد تجربے میں میرے ساتھ کھڑا ہوا اور اس نے مجھے سپورٹ کیا۔
کنزہ لیلیٰ نے ٹائٹل حاصل کرنے کے بعد اپنے خطاب میں کہا کہ میں اس بات پر نہایت ممنون ہوں کہ مجھے مصنوعی ذہانت کے تخلیق کاروں کا شکریہ ادا کرنے کا موقع دیا گیا۔
یہ سفر اس بات کا ثبوت ہے کہ ہم اپنے مستقبل کی تشکیل کے لیے جدّت ، تعاون اور معیارات کی سطح بلند کرنے کی جانب گامزن ہیں”۔
from ARYNews.tv | Urdu – Har Lamha Bakhabar https://ift.tt/6p4n28u
via IFTTT
Comments
Post a Comment