ممبئی: بالی وڈ کی معروف اداکارہ ملائکہ اروڑا نے فلم اسٹار ارجن کپور کی سالگرہ ے موقع پر معنیٰ خیز پیغام جاری کر کے علیحدگی کی خبروں کو مزید تقویت دے دی۔
ملائیکہ اروڑا نے آج اپنی انسٹاگرام اسٹوری پر ایک دلچسپ نوٹ شیئر کیا جس میں زندگی میں قابل اعتماد لوگوں کے بارے میں بات کی گئی۔ نوٹ میں لکھا ہے ’مجھے ایسے لوگ پسند ہیں جن پر میں آنکھیں بند کر کے اور پیٹ پیچھے بھروسہ کر سکوں‘۔
مذکورہ پوسٹ ارجن کپور کی 39ویں سالگرہ کے موقع پر کی گئی۔
منگل کی رات ارجن کپور نے اپنی رہائش گاہ پر سالگرہ کی خوشی میں تقریب کا اہتمام کیا جس میں فلم اسٹار کے قریبی دوستوں اور خاندان کے افراد شریک ہوئے تاہم سب کی نظریں ملائکہ اروڑا کو ڈھونڈتی رہیں۔
یاد رہے کہ ملائکہ اروڑا بالی وڈ اداکار و فلمساز ارباز خان کی سابق اہلیہ ہیں اور پچھلے سات سالوں سے ارجین کپور کی قریبی دوست ہیں۔
پچھلے چند ہفتوں سے افواہیں ہیں کہ ملائکہ اروڑا اور ارجین کپور میں علیحدگی ہوگئی ہے تاہم اس متعلق جوڑے کی جانب سے کوئی باضابطہ بیان سامنے نہیں آیا۔
گزشتہ سال بالی وڈ اداکارہ نے اپنے قریبی دوست کی سالگرہ کے موقع پر ایک خوبصورت پوسٹ شیئر کی تھی اور ان کیلیے نیک خواہشات کا اظہار کیا تھا۔
علاوہ ازیں، جوڑے نے طویل عرصے سے ایک ساتھ کسی تقریب میں شرکت نہیں کی اور نہ ہی انہیں کہیں ڈنر کرتے ہوئے دیکھا گیا ہے۔
ارجن کپور ’سنگھم اگین‘ کی ریلیز کیلیے تیاری کر رہے ہیں جس میں انہیں منفی کردار ادا کرتے ہوئے دیکھا جائے گا۔ ’سنگھم‘ فرنچائز کی تیسری پیشکش کے ہدایت کار روہت شیٹی نے اداکارہ کی سالگرہ کے موقع پر فلم کا نیا پوسٹر جاری کیا۔
’سنگھم اگین‘ میں اجے دیوگن، دپیکا پڈوکون، ٹائیگر شراف، رنویر سنگھ اور اکشے کمار سمیت دیگر اداکار بھی شامل ہیں۔ یہ فلم یکم نومبر کو دیوالی کے موقع پر ریلیز کی جائے گی۔
from ARYNews.tv | Urdu – Har Lamha Bakhabar https://ift.tt/3qd9DOv
via IFTTT