توانائی شعبے میں بڑی تبدیلی، اہم تعیناتیاں

نگران وفاقی حکومت نے توانائی شعبے میں بڑی تبدیلی کر دی۔ تاریخ میں پہلی بار بیوروکریسی سے افسران کی خدمات ڈسکوز کے سپرد کر دی گئی۔

گریڈ 17 کے 10 افسروں کی خدمات 60 دن کے لئے واپڈا کی مختلف کمپنیوں کے سپرد کیے گئے ہیں اور اسٹیبلشمنٹ ڈویژن سے افسران کی ڈسکوز میں تعنیاتیوں کا نوٹیفکیشن جاری کر دیا گیا ہے۔

نوٹیفکیشن کے مطابق وفاق سے اویس ارشاد بھٹی کی خدمات آئیسکو کو سپرد کردیں گئیں۔ پنجاب حکومت سے رافعہ قیوم کی خدمات فیسکو کے سپرد کی گئیں۔

پنجاب حکومت سے محمد مرتضیٰ کی خدمات میپکو اور پنجاب حکومت سے ماہم مشتاق کی خدمات گیپکو کو سپرد کردی گئیں۔ پنجاب حکومت سے سارہ لونی کی خدمات لیسکو کے سپرد کی گئیں۔

سندھ حکومت سے محمد شہزاد احمد کو حیسکو میں تعینات کر دیا گیا۔ سندھ حکومت سے محمد احمر علی کی خدمات سیپکو کے سپرد کردی گئیں۔

بلوچستان حکومت سے حمود الرحمان کی خدمات کیسکو کے سپرد اور خیبرپختونخوا حکومت سے محمد ہاشم عظیم کو پیسکو میں تعنیات کر دیا گیا۔

خیبرپختونخوا حکومت سے محمد وقاص مسعود چودھری کو ٹیسکو میں لگا دیا گیا ہے۔

from ARYNews.tv | Urdu – Har Lamha Bakhabar https://ift.tt/B43pzk7
via IFTTT